Дудкоў Дзяніс Аляксандравіч
Нарадзіўся 10(23).6.1904 г., г.п. Круглае Магілёўскай вобл., памёр 23.3.1948 г. Кандыдат гістарычных навук.
Да 1924 г. працаваў сакратаром валасной зямельнай камісіі ў мястэчку Круглае. У 1928г. скончыў БДУ імя Леніна.
У 1931-41 гг. працаваў у Інстытуце гісторыі партыі і Кастрычніцкай рэвалюцыі пры ЦК КП(б)Б, Інстытуце гісторыі АН БССР, БДУ і Мінскім педагагічным інстытуце.
З 1935 г. – кандыдат гістарычных навук.
Прымаў удзел у падрыхтоўцы падручнікаў па гісторыі Беларусі для сярэдніх школ і вышэйшых навучальных устаноў (рукапісы падрыхтаваны напярэдадні Вялікай Айчыннай вайны), праграмы для навучальных устаноў і ВНУ па гісторыі Беларусі (1940г.). Адзін са складальнікаў-рэдактараў «Дакументаў і матэрыялаў па гісторыі Беларусі» (т. 2, 1940), аўтар раздзелаў 1-томнай гісторыі Беларусі (рыхтавалася ў 2-й пал. 1940-х г., не выдадзена).
Удзельнік Вялікай Айчыннай вайны. З 1945 г. працаваў у БДУ, з 1946 г. – у Інстытуце гісторыі АН БССР.
Аўтар прац па гісторыі Беларусі 2-й пал. 19 – пач. 20 ст.: Сталыпінская рэформа ў Віцебскай губерніі, Контррэвалюцыйны беларускі нацыянал-дэмакратызм на службе ў белапольскіх акупантаў, Рабочы і сялянскі рух у Беларусі ў 70-90гг. 19 ст. і інш. Даследаваў развіццё капіталізму ў прамысловасці і сельскай гаспадарцы, рабочы і сялянскі рух, правядзенне аграрнай рэформы П.Сталыпіна ў Віцебскай губерніі, класавую дыферэнцыяцыю беларускай вёскі ў пач. 20 ст.
Бібліяграфія:
1. Сталыпінская рэформа ў Віцебскай губерні. — Мінск, 1931. (Знаходзіцца ў Нацыянальнай бібліятэцы Беларусі).
2. Аб развіцці капіталізма ў Беларусі ў 2-й палове 19 і пачатку 20 ст. — Мінск, 1932. (Знаходзіцца ў Нацыянальнай бібліятэцы Беларусі).
3. Дудкоў Дзяніс Аляксандравіч // БелЭн.:у 18 т. — Мінск, 1998. — Т.6. — С. 255.
4. Дудкоў Дзяніс Аляксандравіч // БелСЭ. — Мінск, 1971. — Т. 4. — С. 309.
5. Дудкоў Дзяніс Аляксандравіч // Энцыклапедыя гісторыі Беларусі :уУ 6 т. — Мінск, 1996. — Т. 3. — С. 312.
6. Дудкоў Дзяніс Аляксандравіч // Памяць: Гіст.-дак. хроніка Круглянскага р-на. — Мінск, 1996. — С. 505.
7. Ермалаеў, Ц. Пад агнём праціўніка : у раённую кнігу “Памяць” / Ц. Ермалаеў // Сельскае жыццё. — 1990. — 24 ліпеня.
8. Пановіч, В. Выдатны даследчык гісторыі Беларусі / В. Пановіч // Белорусская нива. — 1994. — 23 сентября.
