Ганкевіч Сяргей Антонавіч
Нарадзіўся 3.4.1943 г., г.п. Круглае Магілёўскай вобл.Кандыдат тэхнічных навук, дацэнт.
У 1960 г. скончыў Круглянскую сярэднюю школу. У 1963 г. – Сяміпалацінскі геолагаразведачны тэхнікум. У 1972 г. – Мінскі радыётэхнічны інстытут.
Потым працаваў у геадэзічнай экспедыцыі ў Казахстане.
З 1963-66 гг. служыў на Паўночным флоце.
З 1972 г. – дацэнт, намеснік дэкана вячэрняга факультэта Мінскага радыётэхнічнага інстытута (цяпер Беларускі дзяржаўны універсітэт інфарматыкі і радыёэлектронікі).
З 1979 г. – кандыдат тэхнічных навук.Аўтар 34 вынаходніцтваў і больш за 30 навуковых артыкулаў.
Асноўны кірунак навуковай дзейнасці – распрацоўка радыёсістэм перадачы інфармацыі спецыяльнага прызначэння.
Жыве ў г. Мінску.
Бібліяграфія:
1. Ганкевіч Сяргей Антонавіч // Памяць: Гіст.-дак. хроніка Круглянскага р-на. — Мінск, 1996. — С. 505.
