Красінскі Анатоль Віктаравіч
Нарадзіўся 25.11.1930, г. п. Круглае Магілёўскай вобл. Беларускі кіназнавец .
У 1955 г. скончыў Усесаюзны дзяржаўны інстытут кінематаграфіі.
З 1955-57 гг. працаваў на кінастудыі «Беларусьфільм».
З 1960 г. – у Інстытуце мастацтвазнаўства, этнаграфіі і фальклору АН БССР.
З 1970 г. загадчык сектара.Друкуецца з 1952 г. Член КПСС з 1965 г.
Даследуе праблемы сучаснага кінапрацэсу, гісторыю беларускага кіно. Аўтар раздзелаў у кнізе «Гісторыя савецкага кіно» (1973), «Кіно Савецкай Беларусі» (1975), адзін з рэдактараў і аўтараў манаграфіі «Сучаснае беларускае кіно» (1985). Аўтар кніг “Беларускія акцёры кіно” (1973), “Кинодокумент и образ жизни” (1980), “Кино: игровое плюс документальное” (1987), “Фильмы. Герои. Время: Некоторые тенденции развития современного киноискусства” (1975), “Юрий Тарич” (1971).
Доктар мастацтвазнаўства з 1985 г. З 1994 г. старшыня Беларускага саюза кінематаграфістаў.
Жыве ў г. Мінску.
Бібліяграфія:
1. Красінскі Анатоль Віктаравіч // Культура Беларусі : энцыклапедыя. Т.4 / рэдкал.: У. Ю. Аляксандраў (гал.рэд.) [і інш.]. — Мінск : Беларус.Энцыкл. імя П. Броўкі, 2013. — С. 552.
2. Красінскі Анатоль Віктаравіч // БелЭн.: у 18 т. — Мінск, 1999. — Т. 8. — С. 455.
3. Красінскі Анатоль Віктаравіч // Энцыкл.гісторыі Беларусі. — Мінск, 1997. — Т. — С. 249—250.
4. Красінскі Анатоль Віктаравіч // Энцыкл. літ. і мастацтва Беларусі : у 5 т. — Мінск, 1986. — Т. 3. — С. 119.
5. Красінскі Анатоль Віктаравіч // Памяць: Гіст.-дак. хроніка Круглянскага р-на. — Мінск, 1996. — С. 506.
6. Красінскі Анатоль Віктаравіч // Выдатныя дзеячы тэатра і кіно Магілёўшчыны : бібліягр. паказ. – Магілёў, 1994. — С. 43—44.
