Лягушаў Генадзь Сцяпанавіч
Нарадзіўся ў 1948 г., в. Пасырава Круглянскага р-на Магілёўскай вобл. Кандыдат тэхнічных навук.
Скончыў 8 класаў Круглянскай СШ у 1963 г., Магілёўскі політэхнікум у 1967 г. Затым Магілёўскі машына-будаўнічы інстытут у 1972 г.
Працаваў асістэнтам кафедры пад’ёмна-транспартных машын і абсталявання ў Магілёўскім машынабудаўнічым інстытуце. Дацэнт, загадчык гэтай кафедры.
Кандыдат тэхнічных навук з 1977 г.
Асноўныя кірункі навуковай дзейнасці – механізацыя пад’ёмна-транспартных работ, удасканаленне пад’ёмна-транспартнай тэхнікі, дыягнаставанне грузападымальных машын.
Аўтар больш 30 навуковых прац, адной манаграфіі; атрымаў 15 аўтарскіх пасведчанняў на вынаходніцтва.
Жыве ў г. Магілёве.
Бібліяграфія:
1. Лягушаў Генадзь Сцяпанавіч // Памяць: Гіст.-дак. хроніка Круглянскага р-на. — Мінск, 1996. — С. 509.
2. Звесткі ўзяты з асабістай гутаркі з Лягушавым С. Д. (бацькам).
