Сахненка Людміла Іванаўна
Нарадзілася 12.4.1950 г., в. Петушкі Круглянскага р-на Магілёўская вобл. Чэмпіёнка свету і СССР па шашках. Кандыдат медыцынскіх навук.
У 1973 г. скончыла Мінскі медыцынскі інстытут. У 1979 г. – Беларускі інстытут удасканальвання ўрачэй. З 1973-1977 гг. урач рэспубліканскай псіхіятрычнай бальніцы “Навінкі”, з 1977-1990 гг. урач- асістэнт кафедры псіхіятрыі Беларускага інстытута ўдасканальвання ўрачоў.
Была членам СТ “Буревестник”.
1973 г. – майстар спорту СССР па шашках.
Віцэ-чэмпіёнка свету ў 1977 г. (г.Амстэрдам). Чэмпіёнка СССР па міжнародных шашках у 1979 г., рускіх шашках у асабістым першынстве ў 1974 г., чэмпіёнка свету ў 1979 г., чэмпіёнка 1979 г. (Мінск). Была пераможцай і прызёрам усесаюзных спаборніцтваў.
Міжнародны гросмайстар з 1984 г.
Кандыдат медыцынскіх навук з 1984 г.
Неаднаразовы прызёр чэмпіянатаў свету і СССР.
З 1990 г. жыве ў Нідэрландах.
Бібліяграфія:
1. Сахненка Людміла Іванаўна // Бел.энцыкл. : у 18 т. — Мінск, 2002. — Т.14. — С. 207.
2. Сахненка Людміла Іванаўна // Памяць: Гіст.- дак. хроніка Круглянскага р-на. — Мінск, 1996. — С. 510.
3. Сохненко Людмила Ивановна // Кто есть Кто в Республике Беларусь: энцикл. спорта. — Минск, 1999. — С. 203. (Знаходзіцца ў Магілёўскай абласной бібліятэцы).
