БІТЛІЕЎСКІ АЛЯКСАНДР УЛАДЗІМІРАВІЧ
(29.01.1953, в. Папоўка, Круглянскі раён, Магілёўская вобласць) Паэт-аматар.
Настаўнік. Скончыў у 1976 годзе фізіка-матэматычны факультэт Магілёўскага педагагічнага інстытута імя А.Куляшова. Працаваў настаўнікам матэматыкі у Цяцерынскай сярэдняй школе. З 1986 па 1996 год быў дырэктарам гэтай школы.
Студэнтам займаўся вольнай барацьбой. Арганізаваў у Цяцерынскай школе секцыю вольнай барацьбы і на працягу многіх гадоў трэніраваў вучняў. Быў кіраўніком гуртка “Юны фатограф”.
Актыўны ўдзельнік многіх раённых мепапрыемстваў і спаборніцтваў: шахматна-шашачных турніраў, чэмпіянатаў па футболу і рыбнай лоўлі, гарадках, турыстычных злётаў, фестываля “Свята лялькі”.
Прымаў удзел у мерапрыемствах Цяцерынскага сельскага клуба, запомніўся гледачам у ролі Цярэшкі (па п’есе А.Макаёнка “Трыбунал”, якую прадстаўлялі настаўнікі Цяцерынскай школы)
У 2010 годзе прымаў удзел у раённым конкурсе педагагічнага майстэрства, дзе пакарыў усіх сваёй арыгінальнасцю, творчай смеласцю, гумарам, шматграннасцю. Атрымаў прыз глядацкіх сімпатый.
Прымаў удзел у раённым конкурсе па стварэнню гімна Круглянскага раёна ў якасці аўтара паэтычнага тэкста гімна. Піша вершы і невялікія празаічныя творы розных жанраў на беларускай і рускай мовах. Тэма творчасці – Кругляншчына, школьнае жыццё, шаржы на сяброў і калег.
За доўгія гады працы ў школе не страціў аптымізма, лірызма і артыстызма.
Друкаваць свае творы не імкнецца, але ахвотна дзеліцца імі з слухачамі.
Крыніцы інфармацыі:
Скоробогатая, Т. Ему многое дано / Тамара Скоробогатая // Сельскае жыццё. — 2010. —25 жніўня. — С. 4.
Інтэрнэт-рэсурсы :
http://teterino.krugloe.edu.by/ru/main.aspx?guid=25491
https://ok.ru/profile/568285030742/statuses/156320057433430
Відэаматэрыялы: